Back حكومة الإنقاذ الوطني (صربيا) Arabic Gobiernu de Salvación Nacional de Serbia AST Правителство на народното спасение на Милан Недич Bulgarian Sèrbia de Nedić Catalan Κυβέρνηση Εθνικής Σωτηρίας (Σερβία) Greek Government of National Salvation English Gobierno de Salvación Nacional de Serbia Spanish Nedićen Serbia Basque دولت نجات ملی Persian Kansallisen pelastuksen hallitus Finnish
| Registaro de Nacia Savo de Serbio | |||||||||||||||
| |||||||||||||||
|
| |||||||||||||||
| publika aŭtoritato • registaro | |||||||||||||||
|---|---|---|---|---|---|---|---|---|---|---|---|---|---|---|---|
| Geografio | |||||||||||||||
| Ĉefurbo: | |||||||||||||||
| Loĝantaro | |||||||||||||||
| Ŝtat-strukturo | |||||||||||||||
| |||||||||||||||
La Registaro de Nacia Savo de Serbio (en serba: Vlada narodnog spasa, en cirila alfabeto: Влада народног спаса), populare konata kiel Serbio de Nedić, estis la nomo per kiu oni konis la serban ŝtaton sub la militokupacio fare de la Nazia Germanio dum la Dua Mondmilito post la Invado de Jugoslavio.
En la dua duono de 1941 okazis insurekcioj kontraŭ la germanaj okupaciantoj en Serbio. Jam la 29an de aŭgusto pro evidenta malkapablo de la serba polico de Acimović por subpremi la ribelon, oni dissolvis lian registaron kaj oni kreis novan kun la iama milit-ministro Milan Nedić kiel estro.[1][2] Tiele oni klopodis plifortigi[3] la kunlaboremajn unuojn kaj eviti la sendon de pliaj germanaj trupoj por subpremi la ribelon.[4][5] Tri el la novaj ministroj estis generaloj, du devenis el antaŭa komisara registaro kaj la plej parto devenis el Zbor aŭ estis iamaj kunlaborantoj de Milan Stojadinović. La nova Ministraro havis nek ministron por Eksterlandaj Aferoj nek por Defendo (milito). Tiam la serba teritorio jam estis plenplena de serbaj rifuĝintoj devenaj el aliaj jugoslavaj regionoj.[6] La celo de la germanoj estis ke la propraj serboj nuligu la ribelon sen neceso de germana militinterveno.[7]